სიახლეები
30 სექტემბერს, ევროკავშირის მხარდაჭერით, ქედის მუნიციპალიტეტში შემოდგომის ფესტივალი გაიმართა. ფესტივალის ფარგლებში საზეიმო ღონისძიებები მთელი დღის განმავლობაში მიმდინარეობდა. ღონისძიებები გაიმართა ქედის მუნიციპალიტეტის მერიის ინიციატივით, CENN-თან და ქედის ადგილობრივი განვითარების ჯგუფთან თანამშრომლობით.

მრავალფეროვანი პროგრამა უკრაინის ქალაქ კრემენეცთან დამეგობრების მემორანდუმის გაფორმებით დაიწყო. ღონისძიების ფარგლებში გაიმართა ევროპის წელთან დაკავშირებით მოწყობილი აგრო–ბაზრობა. დღის განმავლობაში ქედის მასშტაბით მიმდინარეობდა სპორტული აქტივობები, საბავშვო გასართობი პროგრამები, სამუზეუმო ექსპონანტების, კულინარიული, ფოლკლორული, ეთნოგრაფიული და რეწვის ნიმუშების გამოფენები. ღონისძიებების ფარგლებში, საპატიო ქედელების დაჯილდოების ცერემონია და ფოლკლორული კონცერტი გაიმართა.
შემოდგომის ფესტივალი, ყოველწლიური ღონისძიებაა და მუნიციპალიტეტის მრავალფეროვანი კულტურული ტრადიციების წარმოჩენისა და ქედის პოპულარიზაციის მიზნით იმართება.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით CENN-ის მიერ, საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით. პროექტის მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო–სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.



28-30 სექტემბერს, ევროკავშირის მხარდაჭერით, დაბა ქედაში, ქედის ადგილობრივი განვითარების ჯგუფის წევრებისთვის, სასწავლო კურსი „ბიზნესის დაგეგმვა“ ჩატარდა, რომელსაც დაესწრო 21 მონაწილე. კურსი ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)“ ფარგლებში საქართველოს სტრატეგიული კვლევების და განვითარების ცენტრის, CENN-ის პარტნიორი ორგანიზაციის მიერ იყო ორგანიზებული. იგი მიზნად ისახავდა ადგილობრივი განვითარების ჯგუფის წევრებში სამეწარმეო საქმიანობისთვის საჭირო ცოდნის/უნარ-ჩვევების განვითარებას და მოიცავდა შემდეგ საკითხებს: ხარჯების და შემოსავლის კალკულაცია, ხარჯის ტიპები, საცალო ფასი, მოგება/ზარალი და ა.შ. ტრენინგი შექმნილია ზრდასრულთა განათლების მეთოდების გამოყენებით, რაც განაპირობებს მონაწილეთა მაქსიმალურ ჩართულობას.

აღნიშნული ტრენინგი მეოთხე საგანმანათლებლო აქტივობაა ადგილობრივი განვითარების ჯგუფის შესაძლებლობების განვითარებისთვის. პროექტის ფარგლებში, 12 ტრენინგია დაგეგმილი სხვადასხვა თემაზე, რათა მოხდეს ჯგუფის წევრთა და პოტენციური გრანტის მიმღებთათვის სხვადასხვა სფეროში ცოდნის და უნარების განვითარება.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით CENN-ის მიერ, საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით. პროექტის მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო-სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.




,,შემოდგომა ქედაში“
30 სექტემბერი, 2018

პ  რ  ო  გ  რ  ა  მ  ა

10:00-13:00 - ავტომობილით მსვლელობა ქედის ქუჩებში

11:00 – მახუნცეთი, თამარ მეფის ხიდის მიმდებარე ტერიტორია.
ქედისა და უკრაინის, კრემენეცის მუნიციპალიტეტებს შორის დამეგობრების ცერემონიალი (წარმოდგენა: ანსამბლი „ელესა“, „ფესვები“ და უკრაინული ანსამბლი „ლიუბისტოკ“)

12:00 – დაბა ქედის ხიდი, აგრო-ბაზრობა „ევროპული წელი“

12:30 – ქედის ცენტრალური კიბე. ქუჩის მხატვრობა ქედაში

12:40 – სპორტული აქტივობები დაბა ქედაშ

13:30 – ქედის ცენტრალური პარკი
• რუსთაველის ქუჩაზე მდებარე ქედის ცენტრალურ პარკს, ქედელი ხალხის ინიციატივით - მწერალის, პუბლიცისტისა და საზოგადო მოღვაწის - ფრიდონ ხალვაშის სახელი მიენიჭება

• გამოფენები ცენტრალურ პარკში

• საბავშვო ღონისძიებები ცენტრალურ პარკში

14:30 – ღონისძიების გახსნა
• ზაზა ხალვაშის ფილმის ,,ნამე“-ს მოკლე ექსკურსი
• საპატიო ქედელების დაჯილდოების ცერემონია

15:00 – კონცერტი
ადგილობრივი და უკრაინელი შემსრულებლების კონცერტი


იხილეთ ქედის მუნიციპალიტეტში მიმდინარე საგრანტო კონკურსის საინფორმაციო შეხვედრების განრიგი.
შეხვედრები გაიმართება შესაბამისი ადმინისტრაციული ერთეულის შენობაში.


25 სექტემბერი
- დანდალოს ადმინისტრაციული ერთეული 12:00
- ცხმორისის ადმინისტრაციული ერთეული 14:00
- წონიარისის ადმინისტრაციული ერთეული 16:00

26 სექტემბერი
- დოლოგანის ადმინისტრაციული ერთეული 12:00
- მახუნცეთის ადმინისტრაციული ერთეული 14:00
- პირველი მაისის ადმინისტრაციული ერთეული 16:00

27 სექტემბერი

- მერისის ადმინისტრაციული ერთეული 12:00
- ოქტომბრის ადმინისტრაციული ერთეული 14:00
- ზვარის ადმინისტრაციული ერთეული 16:00
ევროკავშირის ENPARD პროგრამის მხარდაჭერით მიმდინარე პროექტის „ქედა ლიდერი“ ფარგლებში ქედის ადგილობრივი განვითარების ჯგუფი, CENN და დემოკრატიის ინსტიტუტი აცხადებენ 2018-2019 წლების საგრანტო კონკურსის პირველ ეტაპს - ინტერესის გამოხატვა (იდეების კონკურსი).

კონკურსის პირველი ეტაპი გაიხსნება 20 სექტემბერს და დასრულდება 20 ოქტომბრის 17:00 საათზე.

საგრანტო კონკურსის მიზანია, ქედის ადგილობრივი განვითარების სტრატეგიის პრიორიტეტების შესაბამისად, მუნიციპალიტეტის თემების კეთილდღეობისა და ყოფითი პირობების გაუჯობესება, სოფლად ეკონომიკური შესაძლებლობების გაძლიერება და ინოვაციური პროექტების განხორციელება.

საგრანტო კონკურსის პრიორიტეტული მიმართულებები:
• სოფლის მეურნეობა
• ტურიზმი
• არასასოფლო სამეურნეო ეკონომიკური საქმიანობა
• განათლება, კულტურა, სპორტი
• გარემოს დაცვა და ბუნებრივი რესურსების მდგრადი მართვა
• ქედის მუნიციპალიტეტში ცხოვრების ხარისხის გაუმჯობესება (კომუნალური და სოციალური ინფრასტრუქტურა)

კონკურსის ფარგლებში გრანტები გაიცემა როგორც კომერციული, ისე სოციალური პროექტებისთვის.

კონკურსში განაცხადის წარმოდგენა შეუძლიათ როგორც ფიზიკურ პირებს, ასევე საქართველოში რეგისტრირებულ იურიდიულ პირებს, რომლებიც თავიანთ საქმიანობას ქედის მუნიციპალიტეტში ახორციელებენ ან გეგმავენ განხორციელებას.

კონკურსში მონაწილეობის მსურველები დეტალურად უნდა გაეცნონ ქედის მუნიციპალიტეტის ადგილობრივი განვითარების სტრატეგიას და საგრანტო სახელმძღვანელოს. დაინტერესებულმა პირებმა, უნდა შეავსონ საპროექტო განაცხადის ფორმა და გამოგზავნონ ელ.ფოსტის მეშვეობით მისამართზე This e-mail address is being protected from spambots. You need JavaScript enabled to view it ან მოიტანეთ შევსებული განაცხადი მისამართზე ტბელ აბუსერიძის ქუჩა 10, დაბა ქედა, 2018 წლის 20 ოქტომბრის 17:00 საათამდე.

განაცხადისათვის საჭირო ყველა დოკუმენტი გთხოვთ იხილოთ აქ.

დამატებითი კითხვების, განმარტებების ან ინფორმაციისთვის დაგვიკავშირდით:
+995 599 189 269
+995 577 104 833
+995 514 401 001

გაითვალისწინეთ, საგრანტო კონკურსი შედგება შემდეგი ეტაპებისგან:

I ეტაპი - ინტერესის გამოხატვა (იდეების კონკურსი)
II ეტაპი - სრული განაცხადის წარდგენა
III ეტაპი - საგრანტო განაცხადის დამტკიცება

პირველი ეტაპის წარმატებულ კანდიდატებს დავუკავშირდებით 2018 წლის 20 ნოემბრამდე.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით CENN-ის მიერ, საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით. პროექტის მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო-სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.



ევროკავშირის მხარდაჭერით, ხუთმა წარმატებულმა ქალმა ქედის მუნიციპალიტეტიდან ერევანში გამართულ საერთაშორისო ღონისძიებებში მიიღო მონაწილეობა. 14-15 სექტემბერს, სომხეთის დედაქალაქი მასპინძლობდა კონფერენციას “ქალები სოფლის მეურნეობაში” და გამოფენა–გაყიდვას “მოსავლის ფესტივალი–სოფლად ცხოვრება და ტრადიციები”. ქალთა გაძლიერებისადმი მიძღვნილ ღონისძიებებში სხვადასხვა ქვეყნიდან საგანგებოდ ჩამოსულმა ასამდე ქალმა მიიღო მონაწილეობა.
კონფერენციის ფარგლებში, CENN-მა წარადგინა ევროკავშირის ENPARD პროგრამის მხარდაჭერით მიმდინარე პროექტი “ქედა ლიდერი”. მეწარმე თამარ ბალაძემ ქედის მუნიციპალიტეტიდან სომეხ ქალებს გაუზიარა თავისი გამოცდილება და სამომავლო გეგმები ჟოლოს წარმოების მიმართულებით. მეორე დღეს, გამოფენა–გაყიდვის ფარგლებში ფესტივალზე წარმოდგენილი იყო მაღალმთიანი აჭარაში წარმოებული ღვინო, თაფლი, მურაბები, თხილი, ყველი და სუნელები.

ოფიციალური საფესტივალო ღონისძიებების გარდა, ქედელ ქალებს შესაძლებლობა მიეცათ მოენახულებინათ ორგანიზაცია Green Lane-ის ორგანული ფერმა და მწვანე ცენტრი ერევნის სიახლოვეს. საქართველოსაკენ მომავალ გზაზე კი, მონაწილეები ეწვივნენ სოფელ ხაშტარაკს, სადაც ENPARD სომხეთის ერთ–ერთ ბენეფიციარს შეხვდნენ და მისი ჟოლოს ბაღი და წარმოება მოინახულეს. მასპინძელმა სტუმრებს გაუზიარა თავისი გამოცდილება სოფლად მცხოვრებ ქალტა საბჭოს წევრობაზე, რომელიც შექმნილი იქნა CENN-ისა და Green Lane-ის ერთობლივი ძალისხმევით პროექტის “ქალთა გაძლიერება ბუნებრივი რესურსების მართვის მიმართულებით სამხრეთ კავკასიის ქვეყნებში”.

პროექტის “ქედა ლიდერი” სამომავლო გეგმები ქალთა ჯგუფებთან მუშაობის მიმართულებით მოიცავს ტრენინგების, სემინარების, გაცვლითი ვიზიტებისა და სხვა ქალტა გაძლიერებაზე მიმართულ აქტივობებს, ადგილობრივი განვითარების სტრატეგიასთან შესაბამისობაში.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით CENN-ის მიერ, საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით. პროექტის მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო–სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.


დაარეგისტრირე იდეა - ფონი