სიახლეები
4-8 ივნისს ევროკავშირის ENPARD-ის პროგრამის მხარდაჭერით მიმდინარე CENN-ის პროექტის „ქედა ლიდერი“ ფარგლებში, ქედის ადგილობრივი განვითარების ჯგუფმა (LAG) სექტორულ ჯგუფებთან შეხვედრები გამართა.

სამუშაო შეხვედრების პირველ ეტაპზე, ჯგუფებს წარედგინათ პროექტის ფარგლებში ჩატარებული რეგიონული ანალიზის შედეგები სხვადასხვა მიმართულებით, რის საფუძველზეც გამოიკვეთა რეგიონის რესურსები და პოტენციალი.

რეგიონული ანალიზზე დაყრდნობით, მონაწილეებმა, დეტალურად განიხილეს ქედის ადგილობრივი განვითარების სტრატეგიის პრიორიტეტული მიმართულებები და შეიმუშავეს შედეგზე ორიენტირებული სამოქმედო გეგმის მონახაზი, სადაც გამოიკვეთა შემდეგი სტრატეგიული მიმართულებები:
  • სოფლად ეკონომიკური საქმიანობის დივერსიფიკაცია, მცირე და საშუალო ბიზნესისა და ტურიზმის განვითარების გზით;
  • კლიმატგონივრული სოფლის მეურნეობის განვითარება;
  • გარემოს დაცვა, ბუნებრივი რესურსების მართვა და კატასტროფის რისკის შემცირება;
  • სოფლის განვითარების პროცესებში ახალგაზრდებისა და ქალების ჩართულობის ხელშეწყობა.

სტრატეგია საბოლოო სახეს მიიღებს 2018 წლის ივლისის ბოლოს და საფუძვლად დაედება ინოვაციური პროექტების დაფინანსებას და განხორციელებას ქედის მუნიციპალიტეტში.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით და ახორციელებს CENN, საქართველოს სტრატეგიული კვლევებისა და განვითარების ცენტრთან (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით.
ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს (2013-2022). ENPARD-ის ძირითადი მიზანი საქართველოში სოფლად სიღარიბის დაძლევაა. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.
12-15 ივნისს, ევროკავშირის ENPARD-ის პროგრამის მხარდაჭერით მიმდინარე CENN-ის პროექტის „ქედა ლიდერი“ ფარგლებში, მაღალმთიანი აჭარის ქედის მუნიციპალიტეტში მედია ტური გაიმართა. ტური მიზნად ისახავდა ადგილობრივი ადამიანური და ბუნებრივი რესურსების ფართო საზოგადოებისათვის გაცნობასა და მუნიციპალიტეტის ცნობადობის გაზრდას. სამდღიანი ტურის ფარგლებში, 20-მდე მედიის წარმომადგენელი გაეცნო ადგილობრივი წარმატებული მეწარმეების საქმიანობას, მოინახულეს ქედის კულტურული მემკვიდრეობისა და ბუნების ძეგლები.
მიმდინარე წლის 18 მაისს, ქედაში ევროპის დღე აღინიშნა. ღონისძიებაზე მოსულ სტუმრებს შესაძლებლობა ქონდათ გაცნობოდნენ ადგილობრივ ხელნაკეთ ნივთებს, სკოლის მოსწავლეების მიერ შესრულებულ ნახატებსა და თემატურ ნაშრომებს, ასევე წარმოდგენილი იყო ქედის მუნიციპალიტეტში მიმდინარე პროექტების საინფორმაციო კუთხეები, საოჯახო ტიპის სასტუმროები, ადგილობრივი ფოლკლორული ცეკვისა და სიმღერის ანსამბლები.
22 აპრილს მსოფლიომ დედამიწის დღე აღნიშნა. წლევანდელი თემა, მსოფლიოს ერთ-ერთ ყველაზე მსხვილ გარემოსდაცვით გამოწვევას ეხმიანება – გლობალურად პლასტმასის ნარჩენის შემცირება. ამ დღის აღსანიშნავად, ევროკავშირის მხარდაჭერით შექმნილი ქედის ადგილობრივი განვითარების ჯგუფი (LAG) საქართველოს მასშტაბით მიმდინარე გარემოსდაცვით კამპანიაში „გარემოს გულისთვის“ ჩაერთო.
2018 წლის 10-12 აპრილს, ევროკავშირის მხარდაჭერით მიმდინარე პროექტის „ქედა ლიდერი“ ფარგლებში, ქედაში გაიმართა ადგილობრივი განვითარების ჯგუფის (LAG) მმართველი საბჭოს წევრების სამუშაო შეხვედრა, რომლის ფარგლებშიც ჯგუფის მმართველმა საბჭომ განსაზღვრა და დაამტკიცა ჯგუფის სექტორული მიმართულებები და დებულებები. მათ შორის გამოიყო: 1. ტურიზმისა და ბიზნესის განვითარება 2. გარემოს დაცვა, ტყე და ბიომრავალფეროვნება 3. სოფლის სოციალურ-ეკონომიკური განვითარება 4. ახალგაზრდები, განათლება, კულტურა და სპორტი 5. ჯანდაცვა და სოციალური საკითხები 6. საჯარო მმართველობა და საზოგადოებასთან ურთიერთობა 7. ქალთა გაძლიერება და მათი ჩართულობა სოფლად განვითარებაში.

ასევე, LAG-ის მმართველმა საბჭომ შეხვედრა გამართა გენერალური ასამბლეის წევრებთან, სადაც წარადგინეს პროექტის ფარგლებში საბჭოს მიერ განხორციელებული საქმიანობები და ჩამოყალიბდა სექტორული ჯგუფები.

განსაზღვრული თემატური მიმართულებების საფუძველზე, შემდეგ ეტაპზე LAG სექტორულ ჯგუფებთან ერთად დაიწყებს მუშაობას ქედის მუნიციპალიტეტის ადგილობრივი სტრატეგიის შემუშავებაზე, რომელიც საფუძვლად დაედება პროექტის ფარგლებში მუნიციპალიტეტში დაგეგმილ სამომავლო აქტივობებს.

პროექტი ხორციელდება ევროკავშირის ფინანსური მხარდაჭერით და ახორციელებს კავკასიის გარემოსდაცვითი არასამთავრობო ორგანიზაციების ქსელი (CENN), საქართველოს სტრატეგიული კვლევებისა და განვითარების ცენტრთან(CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს (2013-2022). ENPARD-ის ძირითადი მიზანი საქართველოში სოფლად სიღარიბის დაძლევაა. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.
24-25 თებერვალს, ეროკავშირის მხარდაჭერით, დაბა ქედაში, ადგილობრივი მეწარმე ქალბატონებისთვის სასწავლო კურსი „ქალ მეწარმეთა გაძლიერება ბიზნესის განსავითარებლად“ ჩატარდა. კურსი ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)“ ფარგლებში პროექტის განმახორციელებელი პარტნიორის CENN-ის მიერ იყო ორგანიზებული.
დაარეგისტრირე იდეა - ფონი