22 თებერვალი, 2021 - 170 ადგილობრივი განვითარების ინიციატივა და 500-ზე მეტი ახალი სამუშაო ადგილი შეიქმნა ევროკავშირის მხარდაჭერით აჭარაში, ქედისა და ხულოს მუნიციპალიტეტებში, ჩამოყალიბებული ადგილობრივი განვითარების ჯგუფების (LAG) მეშვეობით. ENPARD-ის სოფლის განვითარების პროექტებით, რომელსაც 2017 წლიდან ახორციელებს კავკასიის გარემოსდაცვითი არასამთავრობო ორგანიზაციების ქსელი (CENN) ქედაში და ჩეხეთის რესპუბლიკის კარიტასი (Caritas) ხულოში, შესაძლებელი გახდა ადგილობრივი თემების მობილიზება და სხვადასხვა სოციალური და ეკონომიკური საქმიანობის წახალისება, აჭარის მაღალმთიანეთში ცხოვრების გაუმჯობესების მიზნით.

ოთხწლიანი პროექტების „ქედა ლიდერი“ და „ENPARD ხულო“ შედეგების პრეზენტაცია შედგა პროექტების დახურვის ერთობლივ ღონისძიებაზე, ქედის მუნიციპალიტეტში. ღონისძიება ოფიციალურად გახსნეს აჭარის სოფლის მეურნეობის მინისტრმა ბნ. გიორგი სურმანიძემ, ევროკავშირის წარმომადგენლობის სოფლის განვითარების, სამოქალაქო უსაფრთხოებისა და კრიზისების მართვის პროგრამების მენეჯერმა, ქნ. ქეთევან ხუციშვილმა, ქედის მუნიციპალიტეტის მერმა, ბნ. ლევან გორგილაძემ, კავკასიის გარემოსდაცვითი არასამთავრობო ორგანიზაციების ქსელის (CENN) აღმასრულებელმა დირექტორმა, ქნ. ნანა ჯანაშიამ, ჩეხეთის რესპუბლიკის Caritas-ის მისიის ხელმძღვანელმა საქართველოში, ბნ. იან ბლინკამ. გამომსვლელებმა ისაუბრეს ევროკავშრის მიერ მხარდაჭერილი სოფლის განვითარების ქედის და ხულოს პროექტების შედეგების, ადგილობრივი განვითარების ჯგუფების (LAG) და მხარდაჭერილი ადგილობრივი განვითარების ინიციატივების და სამომავლო გეგმების შესახებ.

„მოხარული ვარ, რომ ვიმყოფები აჭარაში და მაქვს შესაძლებლობა თავად ვიხილო ქედისა და ხულოს ადგილობრივი განვითარების ჯგუფების ოთხწლიანი მუშაობის შედეგები. ჩვენი მხარდაჭერით ამ LAG-ებმა შეძლეს მჭიდრო თანამშრომლობა მთავრობასთან, სამოქალაქო საზოგადოებასთან და კერძო სექტორთან, განსაზღვრეს ადგილობრივი საჭიროებები და ჩართეს ადგილობრივი თემები განვითარების პროცესებში. სასიხარულოა, რომ ორივე მუნიციპალიტეტში ვხედავთ ადგილობრივი განვითარების მრავალ ინიციატივას და, რაც ყველაზე მნიშვნელოვანია, სოფლის მოსახლეობის გაზრდილ ნდობას და უკეთესი მომავალის რწმენას. ჩვენ გვჯერა, რომ ადგილობრივი თემები ამ გამოცდილებაზე დაყრდნობით გააგრძელებენ თანამშრომლობას უფრო ძლიერი და მდგრადი ადგილობრივი განვითარებისათვის,“ განაცხადა ქეთევან ხუციშვილმა, ევროკავშირის წარმომადგენლობის სოფლის განვითარების, სამოქალაქო უსაფრთხოებისა და კრიზისების მართვის პროგრამების მენეჯერმა.

“ქედა ლიდერის” პროექტმა წარმატებით შეუწყო ხელი სოფლის ინკლუზიურ განვითარებას და სოფლის კეთილდღეობის გაუმჯობესებას ინოვაციური მიდგომების ინტეგრირების გზით, რამაც დასაქმების მრავალფეროვანი შესაძლებლობები შექმნა. პროექტმა ხელი შეუწყო ქედაში 90-ზე მეტ ადგილობრივ ბიზნესსა და მეწარმეს, რომლებიც უკვე წარმატებით ოპერირებენ. მოხარული ვართ, რომ მხარი დავუჭირეთ კლიმატგონივრული სოფლის მეურნეობისა და რესურსების მართვის პრაქტიკის დანერგვას, ბუნებრივი რესურსების ინტეგრირებულ მართვის განვითარებას, ეკოტურიზმს, აგროტურიზმს, ახალგაზრდა თაობის გაძლიერებას, და, ზოგადად, გარემოსდაცვით მიმართულებებს,” - აღნიშნა ნანა ჯანაშიამ, CENN-ის აღმასრულებელმა დირექტორმა.

„პროექტის განხორციელების შედეგად, ხულოს მუნიციპალიტეტში მნიშვნელოვნად გაუმჯობესდა ბიზნესგარემო, დასაქმების დონე და ცხოვრების ხარისხი. მიუხედავად კოვიდ-19 პანდემიის გამოწვევებისა, ENPARD ხულოს პროექტმა მნიშვნელოვანი წვლილი შეიტანა 60-ზე მეტი ბიზნესის განვითარებაში, 300-ზე მეტი ახალი სამუშაო ადგილის შექმნაში, ასობით ადგილობრივისა და მათი ინციატივების მხარდაჭერაში, მათ შორის ახალგაზრდების, ქალებისა და შეზღუდული შესაძლებლობის მქონე პირების. ძალიან სასიამოვნოა, როდესაც ასეთი განვითარების თვითმხილევლი და თანამონაწილე ხარ,“ განაცხადა იან ბლინკამ, ჩეხეთის რესპუბლიკის კარიტასის მისიის ხელმძღვანელმა საქართველოში.

პროექტების ძირითადი მიღწევებია ადგილობრივი განვითარების ჯგუფების (LAG) შექმნა ქედისა და ხულოს მუნიციპალიტეტებში. LAG-ებმა მოახდინეს ადგილობრივი თემების მობილიზება, სამოქალაქო საზოგადოების, კერძო და საჯარო სექტორის წარმომადგენლების გაერთიანება და ადგილობრივი განვითარების სტრატეგიების შემუშავება ადგილობრივი პრიორიტეტებისა და საჭიროებების გათვალისწინებით. ევროკავშირმა LAG-ბის მეშვეობით მხარი დაუჭირა 170 სოფლის განვითარების ინიციატივას (97 ქედაში და 73 ინიციატივა ხულოში) და ხელი შეუწყო 500-ზე მეტი ახალი სამუშაო ადგილის შექმნას ორივე მუნიციპალიტეტში. ეს ინიციატივები ხელს უწყობს ადგილობრივად მეწარმეობის განვითარებას და სხვადასხვა სფეროში ეკონომიკური და სოციალური საქმიანობის დივერსიფიკაციას, მათ შორის ისეთ სფეროებში, როგორიცაა: სოფლის მეურნეობა, ტურიზმი, ინფრასტრუქტურის განვითარება, განათლება, მუნიციპალური სერვისები და სხვა.

ღონისძიების შემდგომ, სტუმრები ეწვივნენ ქედის მუნიციპალიტეტში ევროკავშირის მიერ მხარდაჭერილ სოფლის განვითარების ინიციატივებს - სოჯახო სასტუმროსა და მარანს “შატო ივერი”-ში და დაბა ქედის საჯარო სკოლას, სადაც აჭარის ავტონომიური რესპუბლიკის განათლების, კულტურისა და სპორტის სამინისტროს, CENN-ს, დემოკრატიის ინსტიტუტსა და ქედის ადგილობრივი განვითარების ჯგუფს (LAG) შორის გაფორმდა ურთიერთგაგების მემორანდუმი, ქედის მუნიციპალიტეტი 66 საჯარო სკოლაში ენერგეტიკული და ენერგოეფექტიანი ტექნოლოგიების დანერგვა-გაუმჯობესების ხელშეწყობის მიზნით. დაბა ქედის საჯარო სკოლა, სადაც ღონისძიება ჩატარდა, არისვ ქედა ლიდერის საგრანტო კონკურსის ერთ-ერთი გამარჯვებული. პროექტი სკოლას მოსწავლეებისთვის განახლებული საგანმანათლებლო სივრცის შექმნაში დაეხმარა. შედეგად, სკოლაში მოეწყო თანამედროვე სტანდარტების მქონე, მოსწავლისთვის საჭირო ყველა ციფრული ტექნოლოგიითა და შესაბამისი ტექნიკით.

პროექტი „ქედის მუნიციპალიტეტის ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)“ განხორციელდა ევროკავშირის ფინანსური მხარდაჭერით ორგანიზაცია CENN-ის მიერ, საქართველოს სტრატეგიული კვლევებისა და განვითარების ცენტრთან (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით.

პროექტი „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ (ENPARD ხულო) განხორციელდა ევროკავშირის ფინანსური მხარდაჭერით ჩეხეთის რესპუბლიკის კარიტასის (CCR) მიერ, ხორვატიის სოფლის განვითარების ქსელთან (HMRR) და PMC კვლევითი ცენტრთან თანამშრომლობით.

ვროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან საერთო ბიუჯეტით 179.5 მილიონი ევრო. მისი ძირითადი მიზანი საქართველოში სოფლად ეკონომიკური შესაძლებლობების შექმნა და სიღარიბის დაძლევაა. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge და www.eu4georgia.ge. ხოლო, მეტი ინფორმაციისთვის ქედის LAG-ის შესახებ, ეწვიეთ ვებ-გვერდს: www.kedalag.ge, ხულოს LAG-ის შესახებ: www.khulolag.ge.

3-4 თებერვალი 2021 - ევროკავშირის მხარდაჭერით, ქედისა და ხულოს ადგილობრივმა განვითარების ჯგუფებმა (LAGs) ზემო აჭარის ბიზნესფორუმი “Invest in Mountainous Ajara” გამართეს. ღონისძიება ევროკავშირის ENPARD-ის პროექტების „ქედა ლიდერისა“ და „ENPARD ხულოს“ ფარგლებში, CENN-ის და ჩეხეთის კარიტასის ორგანიზებით ჩატარდა.

ღონისძიების მიზანი იყო ადგილობრივი მეწარმეების ბიზნესურთიერთობების გაფართოების ხელშეწყობა და, ზოგადად, ზემო აჭარაში ინვესტიციებისა და ინოვაციების სტიმულირება. ღონისძიება ორ მთავარ მიმართულებას, სოფლის მეურნეობასა და ტურიზმს, შეეხო. გაიმართა პანელური დისკუსიები და ბიზნეს (B2B) შეხვედრები.

ღონისძება გახსნეს აჭარის სოფლის მეურნეობის მინისტრმა, ბატონმა გიორგი სურმანიძემ, საქართველოში ევროკავშირის წარმომადგენლობის სოფლის განვითარების, სამოქალაქო დაცვის და კრიზისების მართვის პროგრამის მენეჯერმა, ქეთევან ხუციშვილმა, CENN-ის აღმასრულებელმა დირექტორმა ნანა ჯანაშიამ და ჩეხეთის რესპუბლიკის კარიტასის მისიის ხელმძღვანელმა, იან ბლინკამ.

ღონისძიების დამსწრეებს საშუალება მიეცათ, გაცნობოდნენ ზემო აჭარის ინოვაციურ და წარმატებულ ბიზნესინიციატივებს ტურიზმისა და სოფლის მეურნეობის სექტორში. ფორუმის ფარგლებში ასევე განხილული იყო ზემო აჭარის ეკონომიკური პოტენციალი, არსებული გამოწვევები და შესაძლებლობები.

„ევროკავშირის სოფლისა და სოფლის მეურნეობის განვითარების პროგრამის ერთ-ერთ სამიზნე რეგიონს აჭარა წარმოადგენს. აჭარის მთავრობასთან, პარტნიორებთან და საზოგადოებრივ ორგანიზაციებთან ერთად ჩვენ აქტიურად ვმუშაობთ ადგილობრივი მოსახლეობისთვის ახალი შესაძლებლობების გაჩენის, დასაქმების და სოფლად ეკონომიკის სხვადასხვა მიმართულებების განვითარების ხელშესაწყობად. ადგილობრივი დაინტერესებული მხარეების ჩართულობა მნიშვნელოვანია, რათა ჩვენი მხარდაჭერით შექმნილი ახალი შესაძლებლობები იყოს მდგრადი და ევროკავშირის დაფინანსებული პროგრამების დასრულების შემდგომაც გაგრძელდეს.“ - აღნიშნა ქეთევან ხუციშვილმა.

„“ქედა ლიდერის” პროექტმა წარმატებით შეუწყო ხელი სოფლის ინკლუზიურ განვითარებას და სოფლად კეთილდღეობის გაუმჯობესებას ინოვაციური მიდგომების ინტეგრირების გზით, რამაც დასაქმების მრავალფეროვანი შესაძლებლობები შექმნა. ბიზნესფორუმის მიზანია ინვესტიციებისა და ბიზნესკავშირების დამყარების სტიმულირება, რაც ხელს შეუწყობს ადგილობრივი ეკონომიკური საქმიანობების გაძლიერებას.“ - ნანა ჯანაშია, CENN-ის აღმასრულებელი დირექტორი.

ღონისძიებას ესწრებოდნენ ადგილობრივი მეწარმეები, სფეროში წამყვანი ბიზნესები, საერთაშრისო ორგანიზაციები და სამთავრობო უწყებების წარმომადგენლები. ღონისძიების ფარგლებში, დამსწრეებს და მაყურებლებს შესაძლებლობა მიეცათ დარეგისტრირებულიყვნენ ფორუმის ბოლო სესიაში მონაწილების მისაღებად და თავიანთი საქმიანობები წარედგინათ ENPARD ბენეფიციარებისთვის.

შედეგად, კომპანიებმა, როგორიცაა TBC და Georgian Travel Guide, ახალი შესაძლებლობები გააცნეს ბენეფიციარებს.

COVID-19 პანდემიით გამოწვეული შეზღუდვების გათვალისწინებით, ბიზნეს ფორუმი ონლაინ რეჟიმში გაიმართა, Invest in Mountainous Ajara, Zoom-ის პლატფორმაზე და Keda LEADER-ის facebook გვერდზე.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით და ახორციელებს CENN, საქართველოს სტრატეგიული კვლევებისა და განვითარების ცენტრთან (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით.

2017 წლის ივნისიდან, ჩეხეთის რესპუბლიკის კარიტასი (CCR) ევროკავშირის მხარდაჭერით ხორვატიის სოფლის განვითარების ქსელთსა (HMRR) და PMC კვლევითი ცენტრთან ერთად, ხულოს მუნიციპალიტეში ახორციელებს პროექტს „სოფლის განთვითარებისა და დივერსიფიკაციის ხელშეწყობა ხულოს მუნიციპალიტეტში“.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს (2013-2022). ENPARD-ის ძირითადი მიზანი საქართველოში სოფლად სიღარიბის დაძლევაა. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.

მდგრადი ენერგიის წყაროებისა და ენერგოეფექტიანობის ღონისძიებების დანერგვა საჯარო სკოლებში

CENN, დემოკრატიის ინსტიტუტი და ქედის ადგილობრივი განვითარების ჯგუფი (LAG)  ევროკავშირის მიერ მხარდაჭერილი პროექტის - ქედა ლიდერისა და ავსტრიის განვითარებისთანამშრომლობის ფინანსური მხარდაჭერით მიმდინარე პროექტის - ტყის მდგრადი მართვის ხელშეწყობა სოფლის განვითარებისათვის ფარგლებში, აჭარის ავტონომიური რესპუბლიკის განათლების, კულტურისა და სპორტის სამინისტროსთან თანამშრომლობით  აცხადებენ კონკურსს ქედის სკოლებისთვის ენერგოეფექტიანობის გაზრდაზე.


დამატებით დეტალებისთვის ჩამოტვირთეთ საგრანტო კონკურსის დოკუმენტი, დანართი 1, დანართი 2.

დაინტერესებულ პირებს წინადადების გამოგზავნა შეუძლიათ 2021 წლის 10 იანვარის ჩათვლით შემდეგ ელექტრონულ მისამართზე:  This e-mail address is being protected from spambots. You need JavaScript enabled to view it

ქედის LAG, იწყებს ახალ პროექტს თანამშრომლობა და მობილობა სოფლის მდგრადი განვითარებისთვის!

პროექტი დაფინანსებულია ევროკავშირის (სოფლისა და სოფლის მეურნეობის განვითარების ევროპის სამეზობლო პროგრამას, ENPARD III ფაზა) მიერ და მხარდაჭერილია გაეროს განვითარების პროგრამის, პროექტ „სოფლის განვითარების გაუმჯობესება საქართველოში“-ის ინიციატივა „ჭკვიანი სოფლები (Smart Villages)-ს ფარგლებში.

COVID-19-ის გავრცელებით გამოწვეულმა პანდემიამ ბიზნეს სექტორი, განსაკუთრებით კი ადგილობრივი მცირე ბიზნესები ტურიზმისა თუ სოფლის მეურნეობის სექტორში, დიდი გამოწვის წინაშე დააყენა.

ამ გამოწვევების საპასუხოდ ქედა LAG-მა შეიმუშავა ინოვაციური პროექტი, რომელიც მიზნად ისახავს ადგილობრივი ბიზნესების გაძლიერებას ბიზნეს კავშირების მხარდაჭერით და ადგილობრივი პროდუქციისა და სერვისების მარკეტინგით როგორც მუნიციპალიტეტის მასშტაბით, ისე მის ფარგლებს გარეთ.

პროექტის ფარგლებში შეიქმნება  ინტერაქტიული ორ-ენოვანი ელექტრონული პლატფორმა, სადაც მოცემული იქნება დეტალური ინფორმაცია ტურიზმის, სოფლის მეურნეობისა და არასასოფლო სამეურნეო სექტორებში მოქმედი ადგილობრივი ბიზნესების შესახებ. პორტალზე განთავსებული იქნება ინფორმაცია  სხვადასხვა სერვისპროვადერის შესახებ. თითოეული ბიზნესისთვის შეიქმნება ბიზნეს პროფილი, სადაც აღწერილი იქნება ის პროდუქტები და სერვისები, რომლებსაც  ისინი მომხმარებლებს სთავაზობენ.

პლატფორმა ერთმანეთთან დააკავშირებს ადგილობრივ ბიზნესებს და ფასილიტაციას გაუწევს მათ თანამშრომლობას როგორც ერთმანეთთან, ისე მუნიციპალიტეტს ფარგლებს გარეთ ბიზნეს სექტორის წარმომადგენლებთან, რაც საბოლოო ჯამში ხელს შეუწყობს ადგილობრივი ბიზნესების გაძლიერებას და  პროდუქტებისა და სერვისების მარკეტინგს/პოზიციონირებას მუნიციპალიტეტის გარეთ.

პლატფორმას ასევე ექნება ახალი ამბების მიმართულება, სადაც რეგულარულად მოხდება სხვადასხვა სექტორში არსებული ახალი შესაძლებლობების გაშუქება და ასევე, COVID-19-თან დაკავშირებული ახალ რეგულაციების შესახებ განახლებული ინფორმაციის მოწოდება.

პროექტის ფარგლებში, ციფრული და ბიზნეს უნარების გაძლიერების მიზნით, ადგილობრივ ბიზნესს სექტორის წარმომადგენლებს ჩაუტარდებათ ტრენინგები შემდეგი მიმართულებებით: ონლაინ პლატფორმის მართვა, ონლაინ სერვისები, თანამედროვე სმარტ ტექნოლოგიები, ონლაინ მარკეტინგი, ბიზნეს უნარები და სხვა.

პროექტი: ქედა ლიდერი

დაფინანსების წყარო: ევროკავშირის ENPARD პროგრამა

სერვისი: კატალოგის მომზადება

საქმიანობის აღწერა

კონტრაქტორს დაევალება  პროექტის  კატალოგის შემუშავება რომელშიც წარმოდგენილი იქნება პროექტის ‘ქედა ლიდერი’ ფარგლებში დაფინანსებული პროექტები და ბენეფიციარები.

დაფინანსებული პროექტების შესახებ ინფორმაცია იხილეთ შემდეგ ვებ გვერდზე:

http://www.kedalag.ge/ka/proeqtebi

მომსახურეობა უნდა მოიცავდეს:

-        კონტენტის შემუშავებას/მორგებას კატალოგის ფორმატზე, შემდეგი ქვე-თავებით:

• ინფორმაცია ქედის შესახებ;
• ინფორმაცია პროექტის შესახებ;
• ინფორმაცია ბენეფიციარებისა და მათი პროექტების შესახებ.

-        კატალოგის დიზაინს

პროდუქტის მთავარი სამიზნე ჯგუფები:

კატალოგი გავრცელდება ბიზნეს ფორუმზე, რომლის მიზანია ქედის მუნიციპალიტეტში ინვესტიციების მოძიება, როგორც ტურიზმის, ისე სხვა სექტორებში.

• დონორი ორგანიზაციები
• პოტენციური ინვესტორები
• სახელმწიფო უწყებების წარმომადგენლები

პროდუქტის კონკრეტული მიზნები

• ადგილობრივი წარმატებული ბიზნესების გაცნობა დონორი ორგანიზაციებისა და პოტენციური ინვესტორებისათვის
• ქედის ეკონომიკური პოტენციალის წარმოჩენა
• პროექტის ‘ქედა ლიდერი’ შედეგების წარმოჩენა

კატალოგი უნდა მომზადდეს ქართულ და ინგლისურ ენაზე.

CENN უზრუნველყოფს ბენეფიციარებისა და პროექტების პროფესიული ფოტო-მასალას.

კატალოგის მომზადების ყოველი ეტაპი იქნება პროექტის გუნდთან წინასწარ შეთანხმებული.

განაცხადის გამოგზავნისას უნდა წარადგინოთ შემდეგი დოკუმენტები:

-        პორთფოლიო მსგავი პროექტების;

-        დეტალური ბიუჯეტი;

-        გუნდის წევრების CV-ები;

-        დეტალურად გაწერილი სამუშაო გრაფიკი, კონკრეტული ვადების მითითებით.

პროექტის „ქედა ლიდერი“ ფარგლები დაფინანსდა 90-ზე მეტი ბენეფიციარი, სოფლის მეურნეობის, მეწარმეობის, ტურიზმის, კულტურისა და სოციალური მიმართულებით.

პროექტის შესახებ დეტალური ინფორმაციისათვის მიჰყევით შემდეგ ლინკს: http://www.kedalag.ge

შემოთავაზებები გამოაგზავნეთ შემდეგ ელ. ფოსტაზე: This e-mail address is being protected from spambots. You need JavaScript enabled to view it

შემოთავაზების წარდგენის ბოლო ვადაა 24 სექტემბერი 2020.

ევროკავშირის მიერ მხარდაჭერილი ქედის განვითარების ჯგუფი ახალი პროექტის განხორციელებას იწყებს

ქედის ადგილობრივი განვითარების ჯგუფი (LAG), გლობალური გარემოსდაცვითი ფონდის დაფინანსებით, იწყებს ახალ პროექტს: ქედის მუნიციპალიტეტის შშმ პირები - ადგილობრივი „კლიმატის ცვლილების ელჩები“.

პროექტის ძირითადი მიზანი შეზღუდული შესაძლებლობის მქონე პირების გარემოს დაცვის სფეროში ჩართვის მიზნით ეფექტიანი და რეპლიკაციის პოტენციალის მქონე ინიციატივის განხორციელებაა და იმის ჩვენება თუ, როგორ შეიძლება, ხელი შეეწყოს შშმ პირთა თემის სოციალურ-ეკონომიკურ ცხოვრებაში ჩართულობას, გაუმჯობესდეს მათი საარსებო წყაროების მოპოვების შესაძლებლობები და ამასთანავე, მიღწეულ იქნას გარემოსდაცვითი მიზნები.

პროექტი მრავალმხრივ მიზანს ემსახურება, როგორიცაა ქედის მუნიციპალიტეტის შშმ პირების შესაძლებლობების განვითარება, მათი იმ ცოდნითა და უნარებით უზრუნველყოფა, რომლებიც საჭიროა გარემოსდაცვითი და კლიმატის ცვლილების საკითხების ადვოკატირებისა და სოფლის განვითარების პროცესში ინტეგრაციისათვის; ასევე, პროექტი მიზნად ისახავს, კლიმატის ცვლილების მოსალოდნელი ზემოქმედების მიმართ ქედის მუნიციპალიტეტის მედეგობის გაზრდას.

პროექტის ფარგლებში დაგეგმილი აქტივობები მოიცავს, შშმ პირების აქტიური მონაწილეობით, საზოგადოების ინფორმირებისა და ცნობიერების ამაღლების კამპანიის განხორციელებას კლიმატის ცვლილებისა და გარემოს დაცვის თემებზე, „კლიმატის ელჩები“ კოალიციის დაფუძნებას, თემატურ ტრენინგებს, ქედის მუნიციპალიტეტის კლიმატის ცვლილების საადაპტაციო გეგმის შედგენასა და სხვა მნიშვნელოვან აქტივობებს ამ მიმართულებით.

პროექტის ფარგლებში ქედის LAG აქტიურად ითანამშრომლებს ქედის მერიაში არსებულ შშმ პირთა საკითხებზე მომუშავე საბჭოსთან.

რაც ასევე მნიშვნელოვანია, პროექტი მისი შინაარსით მულტი-დისციპლინურია და მოიაზრებს სხვადასხვა ჯგუფის ჩართულობას მათ შორის ახალგაზრდების, სახელმწიფო უწყებებისა და ადგილობრივი თემის წარმომადგენლების.

პროექტის 2022 წლის 31 მარტამდე გაგრძელდება და მისი  ბიუჯეტი 51,880 აშშ დოლარს შეადგენს.

5-8 აგვისტოს, ევროკავშირის ENPARD-ის პროგრამის მხარდაჭერით მიმდინარე პროექტის „ქედა ლიდერი“ ფარგლებში, CENN-ისა და ქედის ადგილობრივი განვითარების ჯგუფის (LAG) ორგანიზებით მაღალმთიან აჭარაში, ქედის მუნიციპალიტეტში მედია ტური გაიმართა. ტური მიზნად ისახავდა ქედის ბუნებრივი და კულტურული ღირშესანიშნაობების და ადგილობრივი ინოვაციური ბიზნეს ინიციატივების ფართო საზოგადოებისათვის გაცნობას და ზოგადად მუნიციპალიტეტის ცნობადობის გაზრდას.

ტურის ფარგლებში 10-მდე მედიის წარმომადგენელი ადგილობრივი წარმატებული მეწარმეების საქმიანობას გაეცნო და  მოინახულა ქედის კულტურული მემკვიდრეობისა და ბუნების ძეგლები.

მონაწლეები გაეცნენ საქართველოს სოფლისა და სოფლის მეურნეობის განვითარებისთვის ევროკავშირის მიერ ENPARD-ის პროგრამით გაწეულ დახმარებას, მათ შორის, ქედის მუნიციპალიტეტში მიმდინარე სოფლის განვითარების პროექტის ფარგლებში მხარდაჭერილ ინიციატივებს.

ტურის ფარგლებში შედგა მედია კონკურსი და გამოვლინდა სამი გამარჯვებული :

I ადგილი: ინდიგო -  ქედა - მწვანე ზონა დიდი პოტენციალით
II ადგილი: Entrepreneur - დაუვიწყარი შთაბეჭდილებების სავანე ქედაში
III ადგილი: National Geographic საქართველო - დაბრუნებული სიცოცხლე სოფელს

გამარჯვებულ ჟურნალისტებს პრიზად ევროკავშირის მიერ დაფინანსებული სხვადასხვა ტურისტულ ობიექტებში ორ დღიანი სასაჩუქრე პაკეტები გადაეცათ.

ტურის ფარგლებში მიღებული ინფორმაციის საფუძველზე, შეიქმნა 15-მდე ვიდეო და სტატია, რომლებმაც ქედა უფრო  მიმზიდველ ტურისტულ და ინვესტორებისთვის მიმზიდველ მუნიციპალიტეტად წარმოადგინეს.

პროექტი „ქედა ლიდერი“ ხორციელდება ევროკავშირის ფინანსური მხარდაჭერით და ახორციელებს CENN, საქართველოს სტრატეგიული კვლევებისა და განვითარების ცენტრთან (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს (2013-2022). ENPARD-ის ძირითადი მიზანი საქართველოში სოფლად სიღარიბის დაძლევაა. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.

ევროკავშირის ENPARD-ის პროგრამის მხარდაჭერით მიმდინარე პროექტის "ქედა ლიდერი" ფარგლებში,  ქედის ადგილობრივი განვითარების ჯგუფი (LAG), CENN-თან და დემოკრატიის ინსტიტუტთან (IoD) თანამშრომლობით, აცხადებს კონკურსს სოციალური პროექტებისთვის, რომლის მიზანია, პროგრამის „ადგილობრივი პოტენციალის ოპტიმიზაცია სოფლის განვითარებისთვის ქედის მუნიციპალიტეტში“ და ადგილობრივი განვითარების სტრატეგიის პრიორიტეტების შესაბამისად,  ქედის ადგილობრივი თემების კეთილდღეობის და ყოფითი პირობების გაუჯობესება, ინოვაციური პროექტების განხორციელება.

საგრანტო კონკურსი იწყება 2020 წლის 8 ივლისს და დასრულდება 24 ივლისს 17:00 საათზე.

საგრანტო კონკურსი მხარს დაუჭერს იმ ინიციატივებს, რომლებიც ორიენტირებული იქნება შემდეგ მიმართულებებზე:

• ეკოტურიზმისა და სოფლის ტურიზმის განვითარება;
• გარემოს დაცვა, ბუნებრივი რესურსების მდგრადი მართვა, ენერგიის განახლებადი წყაროებისა და ენერგოეფექტიანობის განვითარება, მუნიციპალიტეტში არსებულ ეკოლოგიურ პრობლემებზე რეაგირება;
• სოფლის მეურნეობა (გარდა პირველადი პროდუქციის წარმოებისა);
• განათლება;
• სოციალური ინფრასტრუქტურა.

მნიშვნელოვანია, რომ ინიციატივები მიმართული იყოს ქედის მუნიციპალიტეტზე.

დაფინანსების მინიმალური ოდენობა შეადგენს 20,000 ლარს, მაქსიმალური - 180,000 ლარს.

განაცხადების წარმოდგენა შეუძლიათ:

• საქართველოში რეგისტრირებულ იურიუდიულ პირებს (შპს, სპს, სს და ა.შ);
• რეგისტრირებული სტატუსის მქონე სასოფლო კოოპერატივებს;
• არასამეწარმეო (არაკომერციული) იურიდიულ პირებს (არასამთავრობო ორგანიზაცია, ასოციაცია, ფონდი და ა.შ);
• ქედის მუნიციპალიტეტის თვითმართველობის საჯარო სამართლის იურიდიული პირებს;
• ქედის მუნიციპალიტეტში არსებულ საგანმანათლებლო/სააღმზრდელო დაწესებულებებს;

აპლიკანტებს აქვთ მხოლოდ  ერთი განაცხადის წარმოდგენის უფლება

განაცხადისათვის საჭირო ყველა დოკუმენტი გთხოვთ იხილოთ შემდეგ მისამართზე: https://bit.ly/2BMElYY

საგრანტო განაცხადის ჩაბარება უნდა მოხდეს ქართულ ენაზე,  ელექტრონული ან/და მატერიალური (ნაბეჭდი) ფორმით.

განაცხადის (სააპლიკაციო ფორმა და ბიუეჯტი) ელექტრონული ფორმით ჩაბარების შემთხვევაში განაცხადი უნდა გამოაგზავნოთ შემდეგ მისამართზე: This e-mail address is being protected from spambots. You need JavaScript enabled to view it გამოგზვნისას სათაურის ველში მითითებული უნდა იყოს საგრანტო კონკურსის  დასახელება - „საგრანტო კონკურსი 2020“. მატერიალური ფორმით განაცხადის წარდგენა შესაძლებელი იქნება, ქედის ადგილობრივი განვითარების ჯგუფის ოფისში შემდეგ მისამართზე: დაბა ქედა ტბელ აბუსერიძის 10 დილის 10:00-დან 16:00 სთ-მდე

განაცხადების ჩაბარების ბოლო ვადაა 2020 წლის 24 ივლისი 17:00 საათი.

დაგვიანებული ან შეუსაბამო განაცხადები არ განიხილება.

პროექტს ახორციელებს CENN, დემოკრატიის ინსტიტუტი (IoD), საქართველოს სტრატეგიული კვლევებისა და განვითარების ცენტრი (CSRDG), ავსტრიის რეგიონული კვლევებისა და სივრცითი დაგეგმარების ინსტიტუტი (ÖIR) - ქედის ადგილობრივი განვითარების ჯგუფთან ერთად (LAG).

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge.

16-17 ივნისი, 2020 წელი. ქედის მუნიციპალიტეტი - ევროკავშირის ENPARD-ის პროგრამის მიერ მხარდაჭერილი პროექტების ‘ქედა ლიდერი’ და ‘ეს წალკაა’ ფარგლებში, ქედის მუნიციპალიტეტში  განხორციელდა წალკის ადგილობრივი განვითარების ჯგუფის (LAG) სამუშაო ვიზიტი. სამუშაო შეხვედრის ფარგლებში წალკის LAG-ის ჯგუფის წევრები  ქედის ადგილობრივი განვითარების ჯგუფის გამოცდილებას გაეცნენ.

სამუშაო შეხვედრის მიზანი იყო წალკის LAG-ისთვის, ქედა LAG-ის წარმატებულ მაგალითზე დაყრდნობით ცოდნისა და გამოცდილების გაზიარება სამუშაო პროცესთან,  წარმატებულად დასრულებულ პროექტებთან და LAG-ის მდგრადობის საკითხებთან დაკავშირებით.

ქედის LAG უკვე სამ წელზე მეტია წარმატებულად უძღვება ევროკავშირის ENPARD პროგრამის მიერ მხარდაჭერილ პროექტს ‘ქედა ლიდერი’, რომლის ფარგლებშიც 70-ზე მეტი ბენეფიციარმა მოიპოვა დაფინანსება და წარმატებით განხორციელა პროექტები.

სამუშაო შეხვედრის ფარგლებში წალკის LAG-ის წევრებმა 10-ზე მეტი სხვადასხვა დარგის მიმართულებით დაფინანსებული პროექტი მოინახულეს მათ შორის, საოჯახო ტიპის სასტუმრო-მარნები, ჟოლოს სათბური, სალიფსიტე საკალმახე მეურნეობა, ვაზის ვენახები და სხვა.

ვიზიტის ფარგლებში წალკის LAG-ის წევრებს საშუალება ჰქონდათ დეტალურად გაეცნოთ დაფინანსებული პროექტები და გასაუბრებოდნენ ბენეფიციარებს. სამუშაო ვიზიტის ბოლოს ქედისა და წალკის LAG-ების წარმომადგენლები პროექტის ფარგლებში სხვადასხვა შესაძლო აქტივობების ერთობლივად განხორციელებასა და სამომავლო თანამშრომლობაზე შეთანხმდნენ.

პროექტებს „ქედა ლიდერი“ და „ეს წალკაა“ ევროკავშირის ფინანსური მხარდაჭერით ახორციელებს CENN,  საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD), ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR), საქართველოს ფერმერთა ასოციაციასთან (GFA) და სოფლის განვითარების კვლევით ინსტიტუტთან (Ifls) თანამშრომლობით.  პროექტების მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო-სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ–გვერდს: www.enpard.ge.